„Alibaba Group Holding“ постигна договор за купување на удел во кино операторот на „Dalian Wanda Group“, во момент кога конгломератот за недвижности и забава на милијардерот Ванг Џиенлин побара инвестиција и од друга кинеска компанија. Вкупните привлечени средства достигнаа 7,8 милијарди јуани (1,2 милијарди долари), објави „Bloomberg“.
„Alibaba“ ќе плати 4,68 милијарди јуани за 7,66% од акциите на „Wanda Film Holding Co.“, правејќи гигантот за трговија вториот најголем акционер, објави „Wanda Film“. „Beijing Cultural Investment Holdings“, контролиран од владата во Пекинг, ќе плати 3,12 милијарди јуани за учество од 5,11%.
Ова е прва голема продажба на акциите на „Wanda Film“ на странските инвеститори на берзата во Шенжен во 2015-та година, во обид да се вратат акумулираните долгови. Собирањето финансиски средства се случува во време на реструктуирање на средствата на „Wanda Film“, чии акции се суспендирани за тргување од јули.
„Alibaba“ и „Cultural Investment“ се согласија да платат 51,96 јуани по акција, во споредба со последната цена на затворање од 52,04 јуани во јули.
Инвестирањето во „Wanda“ може да му помогне на основачот на „Alibaba“, Џек Ма да игра поголема улога во кинеската филмска индустрија, а прогнозата е да стане најголемиот „боксофис“ во светот до 2020-та година.
Во 2016-та година, „Alibaba Pictures Group“ купи удел од компанијата на Стивен Спилберг, „Amblin Partners“, која се занимава со снимањето и дистрибуцијата на филмови.
Милијардерот Ма ќе конкурира со „Pony Ma Huateng“ на „Tencent Holdings“, инвестирајќи во филмска и телевизиска продукција.
Така, по втор пат во рок од една недела кинескиот технолошки гигант инвестира во „Wanda Group“, која е под владина контрола заради „ирационалните“ излезни инвестиции. Минатата недела конзорциум предводен од „Tencent“, се согласи да купи удел од 14% во „Dalian Wanda Commercial Management“, порано позната како „Dalian Wanda Commercial Properties Co.“, за 5,4 милијарди долари.
Во прилог на инвестициите, „Wanda Film“ ќе соработува со „Alibaba“ и „Cultural Investment“ во области како филмска дистрибуција, маркетинг, финансии, како и рекламите и онлајн билети.
