Бизнис активноста во индустрискиот сектор на Велика Британија бележи забавување во првиот месец од годината, отстапувајќи по втор месец од достигнатиот 4-годишне максимум во ноември. Ова е јасно од најновата студија на „IHS Markit“. Сепак, индустријата продолжува да биде еден од малите прозрачни зраци во британската економија од почетокот на новата година, објави „Ројтерс“.
Индустрискиот „PMI“ индекс се намали во јануари до 55,3 поени (најниско ниво од јуни 2017-та година) од 56,2 поени во декември, додека очекувањата на финансиските пазари беа за зголемување на индексот до 56,5 поени.
На овој начин „бенчмаркот“ отстапува по втор месец од својот 4-годишен максимум во ноември од 58,2 поени, но продолжува да се задржува стабилен во нивоата на експанзија (над најважното ниво од 50 поени) за 18-ти последователен месец и над неговиот просек на долгорочно ниво од 51,7 поени.
Намалувањата, исто така, предвидуваат и индексите кои ги мерат новите нарачки и индустриското производство при забрзување на производните цени.
„Потребно е зајакнување на побарувачката во блиска иднина, за да се спречи губење во наредните месеци на уште позитивниот растечки импулс“, коментира економистот Роб Добсон од „IHS Markit“.
Според него ако „PMI“ индексот успее да се стабилизира околу јануарското ниво, тоа ќе биде предуслов за квартален раст на индустрискиот сектор со 0,6%, што би било подобро од вкупниот економски раст на Островот, но и половина помалку од индустриската експанзија, во земена на последните три месеци од 2107-та година. Според Добсон главниот предизвик пред индустрискиот сектор во почетокот на годината е микс од низок раст и зголемувањето на цените.
Индексот на нови нарачки се зголемува со најспоро темпо од јуни. Особено, производителите на стоки за широка потрошувачка доживеаја ефекти од слабата домашна побарувачка, намалени поради релативно високата инфлација.
Фунтата остана буквално неимпресирана за послабите податоци одошто очекуваните, бидејќи движењата на фунтата остануваат во голема мера предмет на вестите на „Брегзит“. Следејќи ги податоците, фунтата се продава на ниво од околу 1,4236 долари.
