Индустрискиот сектор во еврозоната бележи силен почеток во 2018-та година, според најновата анализа на „IHS Markit“. Иако во јануари стапката на раст во производството и новите нарачки помалку се намалуваат до рекордните вредности на крајот на минатата година, тие сепак се меѓу едни од најдобрите некогаш забележани, откако се прави студијата во 1997-ма година.
„PMI“ во еврозоната се намали на тримесечното ниско ниво во јануари од 59,6 поени. За споредба, во декември вредноста е 60,6 поени. Највисоките стапки на раст беа забележани во производството на средни и инвестициски добра. Доколку стоките за широка потрошувачка имале подобри перформанси, растот на индексите на „PMI“ би бил забележан и во последниот месец.
Индексот на менаџерите по нарачки во индустријата во Холандија достигна рекордно високо ниво во јануари – 62,5 поени, што автоматски го испраќа на врвот на листата во еврозоната.
Италија, исто така, забележа подобрување во индустрискиот раст, достигнувајќи максимум по 83 месеци. Активноста во секторот во Грција се искачи на највисоко ниво повеќе од една деценија. „PMI“ исто така е на рекордни издигнувања во Германија, Австрија и Ирска.
Индустриската активност во Франција се искачи на 17-годишно ниво во јануари и 10-годишно ниво во Шпанија.
Постојаното проширување на производството и новите нарачки во јануари имаат долгорочно влијание врз деловната доверба, објави „IHS Markit“. Оптимизмот се зголемува на рекордно високо ниво во јануари во сите земји од еврозоната без Германија и Австрија (иако овие држави ги поддржуваат силно позитивните перспективи како целина).
Компаниите пријавуваат нови деловни приливи како од домашниот, така и од надворешниот пазар. Растот на нарачките од странство се зголемува за сите земји опфатени во истражувањето, како Шпанија, Ирска и Грција во предвид на доста силното зголемување од нивото на крајот на 2017-та година.
Вработувањето во индустријата за еврозоната се зголеми за 41-ви месец по ред во јануари. Повеќето нови работни места во индустријата се отворени во Холандија, Австрија и Германија. Темпото на регрутирање на работниците се забрзува во Италија, Холандија и Грција.
Продуктивната инфлација во еврозоната се зголемува до 80-месечен максимум, при што производството и суровините се зголемуваат.
„Производствениот бум во еврозоната продолжува со полна сила во јануари, а зголемувањето на производствената инфлација е предупредувачки сигнал дека тоа наскоро може да се пренесе врз клиентите и соодветно да се набљудува пораст на инфлацијата на потрошувачките цени“, објасни Крис Вилијамс, главен економист во „IHS Markit“.
