„Amazon“, „Berkshire“ и „JPMorgan“ ги објавија плановите да создадавање на независна компанија фокусирана на новите технологии, која ќе обезбеди на американските вработени и нивните семејства висококвалитетно и транспарентно здравство со разумна цена, соопштува „Bloomberg“.
Здравствената компанија на трите американски компании ќе биде ослободена од обврската да оствари профит. Целта на „Amazon“, „Berkshire“ и „JPMorgan“ е да го зголемат задоволството на вработените и да ги намалат трошоците.
„Огромните трошоци за здравствена заштита се како „гладна тенија“ за американската економија, но бидејќи не го прифаќаме тоа како нешто неизбежно, решивме да ги здружиме напорите на најдобрите тимови во земјата“, коментира извршниот директор на „Berkshire Hathaway“, Ворен Бафет, цитиран од „businesswire.com“.
Според Џеф Безос, основач и извршен директор на „Amazon“, здравствениот систем е исклучително сложен, но сите кои прават чекор кон овој предизвик, се свесни за тешкотиите.
„Нашите луѓе сакаат да видат транспарентност, знаење и вештини и контроли кога станува збор за здравствени услуги. И трите компании кои се вклучуваат во проектот имаат исклучителни ресурси да ги создадат најдобрите решенија за вработените и нивните семејства“, додаде Џејми Дајман, извршен директор на „JPMorgan Chase“.
Првичниот проектот за создавање на заедничка здравствена компанија ќе се раководи од Тод Комбс, инвестициски менаџер во „Berkshire Hathaway“, Марвел Берхтолд, управен директор на „JPMorgan Chase“, и Бет Гален, постар заменик претседател во „Amazon“. Се очекува менаџерскиот тим, локацијата на седиштето и клучните оперативни детали ќе бидат познати во подоцнежна фаза.
