Владата ја разгледа и ја донесе одлуката за формирање Совет за борба против перење пари и финансирање тероризам, кој ќе биде надлежен да ги следи и координира активностите за спроведување на Националната стратегијата за борба против перење пари и финансирање тероризам.
На денешната 52. владина седница беа донесени повеќе заклучоци, меѓу кои препораката до Регулаторната комисија да ја преиспита одлуката за поскапување на цената на водата, усвојувањето на стратегијата за образование, како и одлуката за патување со лични карти до Црна Гора.
На седницата беше разрешен директорот на агенцијата за туризам, Александар Донев.
