Индија проценува дека нејзината економија ќе порасне меѓу седум и 7,5 проценти во фискалната година која започнува на 1 април.
Тоа повторно би ја направило најбрзорастечка економија во светот.
Оваа проекција е изнесена во годишниот Економски преглед кој министерот за финансии Арун Џејтли го предаде на парламентот. Прегледот е всушност извештај за економијата пред годишниот буџет кој ќе биде објавен на 1. февруари.
Индиската влада соопшти дека растот на извозот и инвестициите ќе ја забрзаат економијата по драстичниот пад во првата половина од моменталната фискална година.
Како причина за забавувањето е наведена ненадејната демонетизација со замена на 86 проценти од банкнотите рупии во 2016 година и хаотичната примена на единствениот данок на добра и услуги.
