Во текот на изминатиот викенд на подрачјето на секторот за внатрешни работи во Скопје се случиле 16 сообраќајни незгоди, од кои една со тешки телесни повреди, пет со телесни повреди и 10 со материјална штета. При сообраќајните незгоди едно лице добило тешки телесни повреди, а осум лесни телесни повреди.
Од преземените мерки и активности констатирано е дека 102 возачи го управувале возилото со по голема брзина од дозволената. 32 возачи се исклучени од сообраќајот, и тоа седум бидејќи го управувале своето возило под дејство на алкохол и 25 возачи го управувале возилото без да стекнат право за управување моторно возило. Исто така, 24 возила се исклучени од сообраќај бидејќи некои од нив биле технички неисправни и со истечена важност на сообраќајната дозвола.
12 возачи се санкционирани бидејќи ја поминале крстосницата на црвено светло, двајца не дале првенство на минување, 10 неправилно се престроиле и четворица неправилно престигнувале. Преземени се мерки и против еден пешак кој поминал коловоз надвор од пешачки премин. Во текот на изминатите денови исто така издадени се 153 мандатни платни налози, а 149 возила се подигнати со пајак.