Жителите на Кејптаун наскоро ќе го дочекаат таканаречениот „нулта ден“ кога ќе останат целосно без вода, објави Си-ен-ен. Градските власти објавија дека славините буквално ќе останат суви на 22 април за потоа да го поместат датумот на 12 април.
massive #socmed campaign launched to avert #DayZero (when taps run dry at households) in Cape Town, along with many initiatives… tweet us
– the tag #DefeatDayZero
– the website https://t.co/LDOWfZ0hBw#water4CapeTown #thinkwaterCT pic.twitter.com/km18ZO9LBI— Cape Town ? (@CapeTown) January 24, 2018
Овој голем мултинационален град, кој е втор по големина во Јужноафриканската Република, се соочува со голема суша предизвикана од климатските промени, но и од константниот пораст на популацијата, која моментно брои околу 4 милиони.
Фотографии од луѓе како чекаат во ред за да наполнат вода која се снабдува од цистерни го обиколија светот. Властите издадоа упатства за жителите како да се однесуваат за да заштедат што повеќе вода. Една од мерките е да не се тушираат подолго од 90 секунди и никој не смее да користи повеќе од 50 литри вода дневно.
morning Cape Town!
discovered this useful #infographic #WaterCrisis #water4CapeTownso the day you don’t do laundry and dishes you can go to the toilet more than once … ? #50litres pic.twitter.com/0uzY4h0N5p
— Cape Town ? (@CapeTown) January 19, 2018
Сепак, и покрај упатствата и предупредувањата, градоначалничката на Кејптаун изјавила дека потрошувачката на вода не се намалила значително.
„Неверојатно е тоа што на некои граѓани воопшто не им е грижа и поради тоа сега сите одиме кон ‘нулта денот’. Повеќе не можеме да бараме од луѓето да штедат вода, туку мора да ги присилиме на тоа“, рекла Патриција де Лиле.
