Поради сообраќајна незгода на регионалниот пат Штип – Кочани, сообраќајот е пренасочен кон патниот правец Штип – Плачковица, информираат попладнево од Автомото сојузот на Македонија.
Според податоците оттаму, пренасочувањето на сообраќајот почнало во 14 часот и пет минути, а засега нема информации до кога ќе се спроведува истото.
АМСМ воедно информира дека сообраќајот на државните патишта се одвива по претежно суви коловози, а наместа влажни, особено на планинските осојничави места. На граничните премини нема подолги задржувања за влез и за излез од државата. Оваа информација се однесува само за македонската страна на премините.
