Лондон е водечки град за глобални инвестиции во бизнис имот во 2017-та година, покажуваат податоците на консултантската компанија „JLL“ кои ги побиваат поранешните тврдења дека несигурноста околу„ Brexit“ ги отежнува инвестициите во секторот.
Минатата година, инвестициите во деловни објекти во Лондон се зголемија за 35 отсто од 2016-та година на 26,7 милијарди евра.
Лос Анџелес е втор со 18,6 милијарди евра, а Њујорк паѓа на третото место со своите 17 милијарди евра.
Податоците на компанијата покажуваат одржливост на глобалниот пазар на недвижности и покрај геополитичката несигурност. Обемот на трансакции на глобално ниво достигна 567 милијарди евра за целата 2017-та година, надминувајќи ги нивоата објавени во 2016-та година.
Сепак, поради новите предизвици на глобалниот пазар на комерцијални недвижности, експертите очекуваат забавување на инвестициите. За оваа година прогнозата е дека обемот ќе е со 5-10% пониски поради тешкото изнаоѓање на квалитетни, првокласни средства и затегнувањето на дисциплината на инвеститорите во предвид очекуваниот крај на нагорниот циклус на пазарот.
Водечките градови се очекува да привлечат четвртина од глобалната инвестиција во имот во текот на следните три години, со тоа што ќе се вратија Лондон и Њујорк. Меѓу лидерите ќе бидат Амстердам, Лос Анџелес, Сан Франциско, Шангај, Сиднеј и Торонто. Градовите како Берлин, Бостон и Сиетл, основани како водечки центри за наука и технологија, и ќе продолжат да ја зајакнуваат својата позиција.
Поради недостигот на квалитетни средства во топ 30 на најмладите дестинации ќе влезат и градови како Ванкувер, Бризбејн и Осло.
Светските топ 7 сепак – Лондон, Њујорк, Токио, Париз, Сингапур, Хонг Конг и Сеул, ќе се задржат на врвните позиции барем на среден период.
Што се однесува до најпопуларните земји за инвестиции во недвижности во светот, Велика Британија ја предводи листата, така што си го враќа првото место, а Германија останува зад неа. Ова го покажуваат податоците на „BrickVest“ цитирани од онлајн изданието „property-wire.com“.
Второ место е за САД, по што следи Франција, а само четврто рангирана е Германија.
Интересот за секундарните пазари на недвижности продолжува да се зголемува поради можностите за повисоки приходи.
