Претседателот на Украина Петро Порошенко се наоѓа меѓу десетте најбогати говорници на форумот во Давос, соопшти британскиот весник Ведикт.
Украинскиот лидер е девети на листата и неговото богатство се проценува на 1,6 милијарди долари. Порошенко се наоѓа на само три позиции под американскиот претседател Доналд Трамп, кој го зазема шестото место со 4,9 милијарди долари.
На врвот на листата се наоѓа основачот на Microsoft Бил Гејтс, на второто место е сопственикот на кинескиот гигант „Alibaba“ Џек Ма, а на третото место е менаџерот на хеџ фондови Реј Далио.
Традиционалниот годишен состанок во Давос го организира меѓународната организација Светски економски форум. На ова случување се повикуваат водечките државници и политичари, претставниците од научните и бизнис круговите од различни земји и меѓународните организации.
Оваа година форумот се одржува од 23 до 26 јануари.
