Албанскиот претседател, Илир Мета, во својот поздравен говор на Регионалната економска конференција „Иднината на Балканот“, кој се одржува во Тирана, изјави дека Балканот има потреба од формирање заеднички енергетски пазар.
„Заедничкиот енергетски пазар е во интерес на сите држави во регионот“, додаде Мета. Тој, исто така, потенцираше дека Владите во регионот треба да ги преземаат сите активности во соработка со бизнисот за запирање на масовната миграција на младото население.
„Заминувањето на младите од нашиот регион го намалува потенцијалот за економски развој“, подвлече албанскиот претседател.
На конференцијата учествуваат и претставници на Стопанската комора на Македонија, како и од коморите од државите од Западен Балкан.
