Годинава ќе бидат изградени 80 километри гасовод во земјава што е најмногу досега, а за тоа веќе се обезбедени околу 40 милини евра во Буџетот.
Министерот за транспорт и врски Горан Сугарески по денешната работна средба со директорот на Македонски енергетски ресурси (МЕР) Благојче Котевски, рече дека гасификацијата е еден од врвните приоритети на Владата и затоа интензивно се работи за изнаоѓање начини цевките од гасоводот да стигнат до сите општини.
„Ќе се исконтактираат сите општини и сите градоначалници каде што поминува националната траса за гасификација. Ќе ги интензивираме односите и ќе ѝ помогнеме на секоја општина да ги започне процесите за гасификација на општините“, изјави Благојче Котески, извршен директор на Македонски енергетски ресурси
