Енергетски ефикасни фасади во сите средни училишта во Скопје ќе бидат изградени со средствата од проектот „Скопје 2014“, најави градоначалникот Петре Шилегов.
Тој рече дека станува збор за 70 милиони денари, а реконструкцијата на средните училишта е планирана да започне на 10. јуни и да трае до почетокот на новата учебна година.
Покрај енергетски ефикасните фасади, Шилегов најави дека ќе бидат поставени филтри за воздух во секоја училница во вкупно 23-те средни училишта.
