Американскиот трговски ланец „Walmart“ најави зголемување на минималната заработка за работниците во САД на 11 долари по час од сегашните девет долари.
Најавена е и исплата на еднократен бонус во износ од по 1.000 долари за повеќе од милион вработени од вкупно 2,3 милиони колку што ги има ширум светот.
Компанијата, исто така, ќе го продолжи породилното отсуство и ќе обезбеди финансиска помош за вработените кои сакаат да посвојат деца, пренесува агенцијата АП.
Зголемувањето на заработката ќе стапи на сила од наредниот месец, а најновата одлука на „Walmart“ е резултат од бенефитот кој го оствари поради најголемите даночни реформи во САД во изминатите 30 години.
