Кина денес ја информираше Европската комисија дека ќе поднесе жалба против неколку европски хемиски компании, меѓу кои е и белгиската групација „Solvay“, поради дампинг, пишува францускиот весник „Еко“.
Ваквиот потег од страна на Кина е фокусиран на производите од хлор, перхлороетилен и тетрахлоретилен, пишува францускиот весник, пренесува агенцијата Франс прес.
Станува збор за втора анти-дампинг постапка која Кина во последните две недели ја покрена против европската индустрија.
Кинеските поплаки доаѓаат откако властите на Европската унија воведоа данок од 47 проценти на увозот на кинеските соларни панели, пренесуваат странските медиуми.
