Највредната криптовалута – биткоин, паѓа веќе четврти ден по ред, објави „Раша тудеј“. Исто така е 30 отсто пониско од рекордните 20.000 долари следени на 17 декември.
Биткоин денеска тргуваше со 14.400 долари, што е намалување за повеќе од пет проценти од претходната сесија. Исто така, ја губи својата доминација во текот на пазарот на криптовалута; само 34 проценти од дигиталните пари сега се битковин. На денешен ден, минатата година, нејзиниот удел беше 85 проценти.
Пазарната вредност на биткоинот денеска падна на 242 милијарди долари, наспроти 294 милијарди долари на 7 јануари, според податоците на Coinmarketcap.
Се чини дека инвеститорите бегаат од биткоинот поради гласините дека регулаторите во Кина и во Јужна Кореја се на работ на напуштање на индустријата. Бидејќи овие две земји имаат доминантен удел во глобалната трговија со крипто валутата, ова би можело да има големо влијание врз цените.
Регулаторите во Кина планираат да ја убијат биткоин рударската индустрија во земјата, бидејќи Пекинг е загрижен за прекумерната потрошувачка на електрична енергија, финансискиот ризик и одливот на капитал, објави Фајненшал тајмс.
