Американскиот претседател Доналд Трамп ќе присуствува на Светскиот економски форум во швајцарскиот град Давос, што ќе се одржи кон крајот на месецот.
Портаролката на Белата куќа, Сара Сандерс, рече дека претседателот ја поздравува можноста да ја сподели својата програма „Америка пред сè“ со светските лидери.
Покрај тоа, на годинешниот Светски економски форум шефот на државата планира да ги популаризира својата политика за зајакнување на американскиот бизнис, американската индустрија и американските работници.
