Довербата во економијата на еврозоната во декември порасна на највисокото ниво во повеќе од 17 години, објави денес Европската комисија.ек
Индикаторот за економската клима во еврозоната порасна на 116 поени во декември од ноемвриските 114,8 поени, што е најдобриот резултат од октомври 2000 година, покажува истражувањето на Европската комисија, пренесува ФТ.
Скокот на индексот е поголем од прогнозите на економистите и е показател на подоброто расположение меѓу компаниите во речиси сите сектори.
Довербата во индустрискиот сектор достигна рекордно ниво, а значително пооптимистични се и компаните во секторот за услуги.
Довербата на потрошувачите во декември го достигна највисокото ниво од јануари 2001 година, со што се потврдени претходните прогнози.
Бројни аналитичари стравуваа дека политичката неизвесност ќе ги загрози економските перформанси на еврозоната во 2017 година, но таа успеа да ги побие таквите очекувања и да оствари силен раст, оценува ФТ.