Кинескиот милијардер Џек Ма се откажа од купувањето на американската компанија за трансфер на пари MoneyGram, откако не доби зелено светло од Вашингтон. Станува збор за договор од 1,2 милијарди американски долари, а одбивањето на купопродажбата се толкува како заострување на американската контрола на кинеските инвестиции.
MoneyGram и групацијата Ant Financial Services, чиј сопственик е кинескиот милијардер не успеале да добијат согласност од Одборот за странски вложувања во САД и покрај настојувањата да одговорат на сите барања на тоа тело.