Истражувањата велат дека овие фактори предвидуваат дали ќе бидете успешни или не…
Oсобини на успешните жени – Како да дојдете до директорската фотеља
Веројатно сте имале прилика да сретнете многу успешни жени, а веројатно и вие самите сте успешни на некој начин, без оглед дали како студент или вработен. Но што е она што на жените им дава можност да изградат сјајна кариера?
Во изминтите неколку децении бројот на жените на високите позиции прилично се зголеми, но сепак, дамите и понатака се во мал број на топ позициите. Што е тоа што жените ги спречува да дојдат до највисоките манаџерски функции? А што е она што некои дами сепак ги довело до директорската фотеља?
Неодамна направената студија на компанијата „Caliper“ која се занимава со регрутирање на таленти, се ангажираше со истражувањето на личните особини и карактеристи кои ги красат 85-те најуспешни жени. Еве кои особини биле издвоени:
1. Асертивност: Способност јасно и директно да кажат што мислат.
2. Агресивност: Во смисла на борбени залагања и конструктивно делување.
3. Емпатија: Слушање и разбирање.
4. Силно его: Самодоверба и успешно надминување на предизвиците.
5. Енергичност: Ентузијазам и грижа за себеси (да, тоа подразбира и доволна количина на сон).
6. Толеранција на стрес: Познавање на начини за опуштање.
Ова истражување исто така истакнува и дека најголемата препрека со која се соочуват жените чија кариера е во подем, е чувството на вина поради тоа што не поминуваат доволно време со семејството. Освен тоа, жените често се соочуваат и со неопходноста да ги надминат машките колеги за тие да ги сфатат сериозно, како и со недостатокот на поддршка од семејството, кога се ангажирани на позициите кои бараат многу од нив.