Американската компанија „Fusion Motor“ го доби правото за производство на моделот „Eleanor Mustang Fastbacks“ – автомобилот познат по холивудскиот хит „Gone in 60 seconds“. Иако филмот со Николас Кејџ излезе пред 19 години, специјалната верзија на „Ford Mustang Fastback 1967“ останува еден од најатрактивните автомобили во целиот свет.
Компанијата „Fusion Motor“ склучи договор со подуцентот Денис Халицки, чиј покоен сопруг Тони Халицки лично ја создава колата и дури се снима во филмот „Gone in 60 seconds“, кој излезе во 1974-та година. Денис ја посетила фабриката на компанијата, каде што ќе се изработува возилото и дала согласност да ја продаде лиценцата.
Претворениот во легенда „Eleanor“ е изграден врз основа на каросеријата „Ford Mustang Fastback“ од 1967-та година. Компанијата „Fusion Motor“ ќе користи автомобили-донатори, без оглед на нивната состојба. Автомобилите ќе добиваат специлано многуточкина задна суспензија, сопирачки механизми „Wilwood“, диференциал со ограничено лизгање, компоненти од карбон и „LED“ фарови.
Секој лиценциран автомобил ќе добива оригинални седишта, прилагодлива висина на воланот, клима уред и „Bluetooth“ аудио систем. Како опција, се достапни спортски седишта „Recaro“, сензори „Auto Meter“ и информативно-забавен систем со навигација.
Клиентите ќе можат да изберат помеѓу 5 мотори. Основната верзија се потпира на 5.0-литарски V8 со 430 коњи. Исто така постои и варијанта со ист мотор со механички компресор и моќност од 600 КС. Друга опција е 7,0-литарскиот V8, кој развива 480, 560 и 750 КС. Сите единици се комбинирани со петстепен мануелен менувач и 6-брзински автоматски менувач.
Производството ќе започне во март оваа година, а веќе се прифаќаат нарачки. Основната верзија на автомобилот чини 189.000 долари.
