Под мотото „Да им помогнеме на децата со говорни проблеми“ здружението „Интеракција плус“ од Скопје организира нова голема акција, која ќе трае до 5 февруари.
Здружението „Интеракција плус“ организира бесплатни логопедски и дефектолошки прегледи на деца од сите возрасти, а посебен акцент ќе биде ставен на децата и учениците.
Прегледите вклучуваат логопедска и дефектолошка дијагностика и процена од страна на дипломирани логопеди и дефектолози со помош на најсовремени дијагностички методи и помагала.
Од здружението велат дека целта на акцијата е да не остане непрегледано ни едно дете и да има што помалку деца со говорни и други проблеми.
За закажувања и дополнителни информации заинтересираните граѓани може да се обратат на телефоните: (071) 973 362 и (078) 245 484, секој работен ден од 13 до 20 часот.
