Некои од овие потези сами ги перцепираме како грешки, а некои така ги доживуваат луѓето околу нас, иако ние не се чувствуваме лошо зашто што сме ги направиле.
Она што е заедничко за сите тие „грешки“ е тоа дека поради нив не треба да жалиме, бидејќи тие долгорочно се добри за нас.
1. Сте дале отказ
Токму ова е еден од потезите кои околината во денешно време најчесто ги осудува. Меѓутоа, ако не сте задоволни со работата која ја работите, без оглед на тоа дали е добро или лошо платена, имате право да ја побарате среќата на друго работно место, без оглед што другите мислат за тоа. Заслужувате прилика да ги остварите своите цели и да работите на сопственото усовршување, па затоа нема смисла да жалите поради напуштање на работата која ве правела длабоко несреќни.
2. Сте научиле да кажувате „не“
Во блискиот круг на пријатели и членови на семејството често се вовлекуваат личности кои всушност не ни посакуваат добро. Нив ги нарекуваме „токсични“ луѓе, а меѓу главните карактеристики на таквите луѓе е изразената негативна енергија, потребата за критикување, константното осудување на туѓите постапки и себичноста. Токсичните луѓе кои не се дел од нашиот близок круг полесно е да ги одалечите од својот живот, но кога тие се наши пријатели или членови на семејството, тогаш е многу потешко да се ослободите од нивното негативно влијание. Сепак, ако сте собрале храброст, сте успеале тоа да го направите и сте научиле да им велите „не“, немате причина поради која ќе жалите. Во таквите ситуации останатите луѓе од блискиот круг понекогаш не наговараат да пружиме добра прилика или ни замеруваат поради нашите постапки, но немојте да се замарате со тоа. Тоа што сте го направиле не е грешка, туку паметен потег.
3. Сте се заљубиле во погрешно лице
Можеби тоа на сите не им звучи логично, но понекогаш едноставно не сфаќаме што всушност заслужуваме се додека не го пробаме она што дефинитивно не е добро за нас. Поради тоа никогаш немојте да жалите за пропаднатите врски со погрешни лица, бидејќи тие често не учат да препознаме каков партнер всушност заслужуваме.
