Производствениот сектор во Германија со исклучително добри перформанси ја заврши 2017-та година, станува јасно од последните податоци за индексот „PMI“ за производствената активност во земјата, објавени од аналитичката компанија „IHS Markit“.
Растот на производството достигна ниво кое не е забележано од 2011-та година, а тоа е поддржано од најбрзо растечките нови нарачки за извоз, забележани во 22-годишната историја на студијата. Во исто време, сепак, ова води до одложување на понудата.
Индексот на производствени активности на „PMI“ се искачи на највисоко ниво од 63,3 поени во декември. За споредба, претходниот рекорд е забележан во февруари 2011-та година – 62,7 поени. Производството на стока расте нагло кон крајот на годината, а стапката на раст се забрзува по втор месец и е најголем во последните седум години.
Повеќето нови извозни нарачки за германските производители пристигнуваат од Азија и од САД, по што следат европските земји. Проширувањето на производниот сектор во најголемата економија во Европа се одразува и во зголемување на нивото на вработеност во земјата, како и бројот на работните места во фабриките кој се зголемува.
Во декември, довербата на претставниците на производствениот сектор во очекувањата за иден раст е вратена, станува од анкетата.
„2017-та година е рекордна за германскиот производствен сектор, а индексот за мерење на производствената активност ги достигнува највисоките вредности за сите времиња благодарение на подобрувањето на условите за бизнис“, коментира главниот економист на „IHS Markit“, Фил Смит.
