По премиерата на седанот „Giulia“ и кросоверот „Stelvio“, гамата на производи на „Alfa Romeo“ беше значително освежен. Во моментов, компанијата работи на два кросовера, но пред нив ќе бидат новите генерации на купето „4C“ и хечбекот „Giulietta“, објави „Auto Express“.
„За да може да го надградиме целосно асортиманот на модели кои ги нуди „Alfa Romeo“, ни требаат уште два автомобила – нешто од „C“-сегментот, како и спортски модел кој е задолжителен“, коментира главниот технички директор на компанијата Роберто Федели.
Според информациите, новата „Alfa Romeo Giulietta“ ќе ја користи платформата со намалена големина на седанот „Giulia“. И тоа значи дека „C“-сегментот ќе го прикаже првиот хечбек на задните тркала по „BMW Series 1“. Генерално во италијанско-американскиот концерн „FCA“, кој е сопственик на брендот „Alfa Romeo“, се откажуваат од моделите со преден погон во овој сегмент („Dodge Dart“, „Chrysler 200“ и „Lancia Delta“), бидејќи не добиваат приходи од нив.
Што се однесува до моделот „4C“, кој се нуди и како кабриолет, во моментов шефовите на компанијата разговараат за неговата долгорочна иднина, а се уште нема донесено конечна одлука за ова прашање. Се очекува моделот да остане без механички менувач, но моторот сепак ќе биде избран за овој автомобил.
