Веќе втора година по ред интернет порталот „priceoftravel.com“ ги истражува цените за патувањата во целиот свет и ви ги препорачува дестинациите кои го нудат најдоброто за најмалку пари.
Неодамна е објавен и Индексот за туристи за 2013 година во кој се споредени 47 европски градови, а меѓу нив се одбрани овие пет, за кои не ви се потребни многу пари, а сепак нудат соодветни услови.
1.Букурешт, Романија
Во пресметката на индексот се вбројани и ноќевањата во хотел, и две карти од јавниот превоз. Според оваа пресметка Букурешт е најевтиниот европски град, за таму ќе ви бидат потребни само 18 евра на ден.
2.Софија, Бугарија
Во оваа цена се вклучени три оброци во текот на денот, две карти од јавниот превоз, а таа изнесува 19 евра дневно. За Софија, истражувачите истакнуваат дека таа има многу пријатни и љубезни домаќини.
3.Краков, Полска
Еден ден во Краков ќе ве чини 19 долари, а посетата на вториот најголем град на Полска се смета за најисплатливо европско патување. Посетете го Краков што поскоро, бидејќи цените наскоро ќе се зголемат, како што тоа се случи во Прага и Будимпешта.
4.Сараево, Босна и Херцеговина
Во цената на индексот за Сараево е вклучена и дегустацијата на три локални пива, а за уживањето во овој град нема да ви бидат потреби многу пари – само 20 евра на ден.
5.Киев, Украина
Се што ви е потребно за еден ден во Киев се 20 евра. Иако Киев не е дел од градовите кои се наоѓаат во туристичките понуди, сепак не треба да ја пропуштите оваа можност.
