Ќе биде ли 2018-та година во која Грција ќе каже „збогум“ на спасувачките програми, дали земјата ќе ја постигне поставената цел за примарен буџетски суфицит од 3,5 отсто, за да може нејзината влада да избегне нови мерки за штедење како догодина, така и во следните две години – 2019-2020?
Овие и други прашања за иднината на земјата чекаат својот одговор, пишува во „Нафтемборики“, кој доаѓа до заклучок дека од нивно решавање ќе зависи и иднината на земјата за подолг временски период, кој најверојатно ќе продолжи и по 2022-ра година.
Економското издание се насочува кон настаните кои ќе претходат во финализирањето на програмите за спасување.
На 9-ти и 10-ти јануари грчкиот парламент треба да гласа закон со десетици барања на доверителите по третиот преглед на спасувачката програма, а до тогаш Владата мора да исполни вкупно 110 пропишани мерки кои биле договорени со нив.
За 15-ти јануари, пак, е закажана средба на Еврогрупата, на кој институциите треба да доведат до крај на дебатата за сума од траншата, кој ќе биде распределена на Грција.
За 22-ри јануари е планирана првата средба на Еврогрупата за 2018-та година и на неа министрите за финансии од еврозоната треба да донесат конечна одлука за деблокирање на траншата, кој Грција се надева да го добие во февруари.
„Нафтемборики“ пишува дека во ред со извршувањето на буџетот за следната година напорите на кабинетот Ципрас ќе бидат насочени уште кон подигнувањето на дебата за олеснување на грчкиот долг, а исто така кон укинување на постојните во земјата капитални ограничувања и кон враќање на Грција на пазарите.
Се очекува првите обиди за пристап на Грција до пазарите да бидат преземени уште во самиот почеток на Новата година, а за таа цел Владата планира да лансира две-три обврзници емисии со цел да обезбеди средства за сервисирање на долгот по истекот на сегашната спасувачка програма во август 2018-та.
Во контекст на овие напори не се исклучува и можноста од предвремените избори, кои премиерот Алексис Ципрас би можел изненадувачки да побара, за да ги мобилизира своите гласачи и да ги омекне тензиите во сопствената партија „СИРИЗА“ и во општеството од применетите мерки за штедење. Се претпоставува дека таквото гласање е можно по август 2018-та година, односно по завршувањето на програмата за спасување.
