Новиот „Volvo V40“ ќе биде дизајниран според концептот „40.2“ кој беше претставен во јавноста во мај 2016-та, пишува „AutoExpress“.
Автомобилот ја дели механичката платформа со „SUV“ моделот „XC40“, a благодарејќи на меѓуосовинското растојание ќе има повеќе место во кабината во споредба со актуелниот „V40“. Модуларната платформа „Compact Modular Architecture“ (CMA) овозможува и употреба на нови четирицилиндарски мотори, бензинците „T4“ и „T5“, како и дизелите „D3“ и „D4“.
Оваа платформа е развиена со идеа да, покрај конвенционалните мотори во автомобилот може да се вградат и електрични погонски агрегати, па новиот „V40“ ќе има и „plug-in“ хибридна верзија, како и модел со чисто електричен погон.
„Volvo“ откри дека купувачите на располагање ќе имаат најмалку две опции, кога станува збор за големината и капацитетот на погонската батерија.
„Основната верзија ќе биде поевтина и овозможува помала автономија при возењето, додека поголемата батерија ќе биде поскапа, но ќе му обезбеди на автомобилиот поголем радиус на движење“, вели шефот на развојно-истражувачкото одделение на компанијата, Хенрик Грин.
„Volvo“ засега не откри кога наследникот на актуелниот „V40“ би можел да пристигне во продажните салон, но се очекува тоа да биде во 2019-та или 2020-та.
