Кинеската економија ќе ја надмине американската до 2032 година, се вели во извештајот на лондонскиот Центар за економски и бизнис истражувања (CEBR).
Може да се каже дека е очигледно – Азија за петнаесетина години де стане доминантна сила во светската економија. Имено, до 2032 година три од четири најголеми светски економии ќе бидат од Азија – Кина, Индија и Јапонија.
Индија веќе следната година ќе ги претекне Велика Британија и Франција и ќе стане петтата најголема светска економија. До 2027 година ќе ја надмине и Германија и ќе го заземе третото место. За Индија во CERB прогнозираат дека во втората половина од векот ќе стане најголемата светска економија.
Јужна Кореја и Индонезија до 2032 година, ќе влезат меѓу десетте најголеми светски економии додека од тоа друштво ќе отпаднат Италија и Канада.
