„Kuwait Petroleum Corp.“ (KPC) потпиша 15-годишна договор за увоз на течен природен гас со „Royal Dutch Shell Plc“, за да и помогне на земјата извозник на нафта да одговори на зголемената внатрешна побарувачка на енергија, соопшти „Bloomberg“.
Договор за купопродажба со „Shell International Trading Middle East Ltd.“ ќе почне да се применува од 2020-та година, соопштија компаниите во неделата.
„Shell“ и испорачува на Кувајт гориво од 2010-та година и одби да каже за колкаво количество гас станува збор во новиот договор. Додека „KPC“ работи за поттикнување на домашното производство на природен гас, Кувајт има „неопходно барање“ за обезбедување на снабдувањето со природен гас.
Според запознаен извор, кој побарал анонимност, договорот ќе покрие 2 до 3 милиони кубни метри гас годишно, со цена 11% под сортата „Брент“.
„Голем проблем за Кувајт е дека согорува многу нафта, поголемиот дел од произведената од нив енергија е од нафта, па увозот на течен природен гас за нив е поевтин и ја ослободува нафтата за извоз“, коментира Робин Милс, главен извршен директор на „Qamar Energy“.
Кувајт сака почисти горивни извори на енергија како природниот гас, за да ги намали штетните емисии и да го подобри квалитетот на воздухот, се наведува во соопштението на двете компании.
