Јапонскиот концерн „Toyota Motor Corp.“ објави дека годинава продала 10.35 милиони автомобили, што претставува раст од 2 отсто во однос на 2016-та година. Од компанијата предвидува дека ќе биде уште подобро во следните 12 месеци.
Резултатите беа објавени во средата и го ставија јапонскиот производител поблиску до минатогодишниот лидер „Volkswagen AG“. Минатата година Германците успеаја да продадат 10,3 милиони возила, што го направи неостварливо за „Toyota“ и „General Motors“. За истиот период, резултатите на „Toyota“ беа 10,2 милиони автомобили, а предвидувањата за 2018-та година ќе бидат продадени 10,495 милиони автомобили.
„Renault-Nissan“, исто така, ја започна оваа година со солидни перформанси, но во втората половина почна да се соочува со тешкотии откако јапонската фабрика на компанијата пронајде некои неправилности. Потоа, „Nissan“ почна да врши големи сервисирања, а скандалот, исто така, се очекуваше негативно да влијае на продажбата.
Повеќето други компании сè уште не ги пријавуваат своите резултати за изминатата година. Раководството на „Toyota“ во неколку наврати изјави дека компанијата нема амбиција да биде број еден во продажбата низ целиот свет.
Конкуренцијата на пазарот за автомобили е жестока не само на големите пазари, како оние во САД и Европа, но и на релативно новите пазари во Кина и Индија, каде во наредните години се очекува постигнување на фантастичен раст.
„Toyota“ објави дека во 2017-та година продажбата во Јапонија скокна за 10%, а на странските пазари растот изнесуваше 1%.
Интересен факт е дека компанијата во чија сопственост е „Lexus“, не е особено оптимист на резултатите во Јапонија во идната година, прогнозира пад на домашниот пазар од 5%, додека резултатите на странските пазари ќе продолжат да растат според анализите.
