Турскиот парламент ја започна расправата за законот со кој се забранува рекламирање на алкохолот и се заоструваат ограничувањата за неговата употреба.
Владата на Турција инсистира да се воведе овој закон со цел да ги заштити младите лица од болестите кои се предизвикани од алкохолот, но секуларните партии предупредуваат дека овој закон исламистите го воведуваат исклучиво поради религиозни причини.
Доколку законот биде усвоен, ќе биде забранета продажбата на алкохол во близина на џамиите и училиштата, што значи дека илјадници локали ќе останат без дозволата за продажба на алкохол.
Исто така, ќе биде забрането и рекламирањето на алкохолните производи и за тоа ќе бидат предвидени остри казни.
Повеќето пратеници сметаат дека со усвојувањето на ваквиот закон, ќе се намалат голем број на штети кои се предизвикани од прекумерната конзумација на алкохолот, тие порачуваат дека ќе се подобри здравјето на граѓаните, ќе се заштитат децата од пороците а воедно и ќе се намалат сообраќајните несреќи , со што, на некој начин ќе се заштитат и животите на луѓето.