Новиот јавен повик на Фондот за иновации и технолошки развој, кој се работи во соработка со Министерството за образование ,,Предизвик за млади истражувачи’’, беше претставен денеска во општинската зграда во Штип, инфомираат од Фондот.
Заинтересираните професори од средните училишта и наставниците од Штип и околните општините Кочани, Пробиштип, Св. Николе, Карбинци, Чешиново-Облешево и Зрновци биле запознаени со деталите на пилот-проектот на двете државни институции.
Повикот, кој официјално зпочна на 30 ноември и ќе трае до 15 февруари, се однесува на проекти од природните и техничките науки, а активностите треба да соодветствуваат со наставните програми. Тимовите што ќе работат на истражувачките проекти може да бидат составени од 3 до 7 ученика, и од максимум два наставника, а самите активности не смеат да надминат повеќе од 6 месеци.
Повикот нуди можност за награда за најуспешните апликации во висина од 300,000 денари, а опремата што би се набавила со финансиите останува во училиштето. Исто така, награди во висина од 30,000 денари се предвидени и за најуспешните наставници, односно професори.
