Подрачна канцеларија на Управата за водење на матични книги која ќе функционира на територијата на општина Карпош, беше отворена денеска од страна на градоначалникот Стефан Богоев и директорот на Управата, Ѓоко Котески.
Канцеларијата се наоѓа на аголот меѓу улицата „Бранислав Нушиќ“ и улицата „Никола Тесла“, а отсега натаму жителите на Карпош оттаму ќе можат да ги вадат потребните документи, како извод од матична книга на родените, извод за матична книга на умрените, како и венчален извод.
Како што истакна градоначалникот Богоев, со ова се олеснува целата процедура на вадење на соодветните документи и се растоварува метежот пред шалтерите во седиштето на Управата за водење на матичните книги.
Директорот на Управата за водење на матични книги, Ѓоко Котески, нагласи дека по Аеродром, Карпош е втора општина во која се отвора подрачна канцеларија и дека целиот овој проект е дел од владината програма „3-6-9“, со која се предвидува институциите на системот да бидат подостапни до граѓаните.
