Многу е тешко да ги исфрлите негативните луѓе и нивната енергија. Морате да научите да ги заобиколите отровните мисли на цинизмот, фатализмот и скептицизмот. Тоа е пресудно за вашето здравје, како психичко така и физичко. Еве корисни совети од Inc како да се одбраните.
1. Сконцентрирајте се на решението, не на проблемот
Луѓето често се фокусираат исклучиво на проблемот и се преоптеретуваат со истиот. Тоа се претвора во негодување, пронаоѓање на грешки и незадоволство. За да останете позитивни концентрирајте се на можните решенија на вашиот проблем.
2. Не хранете ја драмата
За негативните луѓе драмата е како кислород. Вдишете, останете позитивни и оптимистични и без оглед каква мамка ви е фрлена, внимавајте да не се фатите на неа. Работете вредно за да стигнете се на време, бидете смирени и флексибилни со цел за драмата да нема место.
3. Чувајте ги своите граници
Можеби е болен, но сепак факт е дека животот е подобар без одредени луѓе. Навистина не можете да направите се што сте наумиле доколку сте опкружени со негативна енергија, затоа исфрлете ги оние кои ви ја носат, без оглед дали станува збор за член на семејството или близок пријател.
4. Престанете да се трудите да им помогнете на сите и да поправите се
Доколку го работите за другите она што тие сами треба да го сработат за себе, воопшто не им помагате. Затоа не правете го тоа, не трудете се ниту да ги поправите сите нешта – невозможно е.
5. Одговорете, но не реагирајте
Одговорот е резултат на менталната јасност и емотивната стабилност и затоа секогаш треба да дадете одговор, но не и да реагирате неконтролирано во одредени ситуации кога сте испровоцирани поради страв. Затоа запрете ги емоциите и само дадете одговор, со цел да не ги покажете слабостите.
6. Грижете се за себе
Не можете да се грижите за другите доколку не знаете да се грижите за себе. Љубовта кон себе не се смета за себичност. Грижете се за себе и нека вашата среќа биде приоритет. Ова ќе ве држи приземни, силни и подготвени храбро да гледате во лицето на негативната енергија.
