Успехот на работа и во приватниот живот не може да дојде без никаков напор. Страстa, работата и фокусираноста се предности кои мора да ги поседувате.
Во прилог, неколку логични работи кои треба да ги избегнувате доколку сакате успех во животот и во кариерата:
1. Никогаш не ги имитирајте другите. Во светот во кој недостасува креативност, поинакво мислење и иновативни идеи најважно е да ја разбудите вашата фантазија. Пронајдете мотивација – не го следете стадото туку настапете во акција во сопствен стил.
2. Комплекс на супериорност. Може да го зголеми вашето его, но на долги стази, супериорното однесување кон другите е пат кон вашиот професионален пад. Одржувајте добри односи со сите и никогаш не ги омаловажувајте колегите, вработените и клиентите.
3. Паметно вложувајте. Вложувајте во остварување на проектите дел по дел – инвестиција во недоволно цврст и неразработен план не е паметен чекор.
4. Избегнувајте големи позајмици. Приватните позајмувања на пари најчесто се непријатни, а кога станува збор пак за бизнис позајмици, сериозноста е на прво место. Импровизацијата не е пожелна во овој случај и може да предизвика финансиска катастрофа.
5. Не се впуштајте во непрофесионални разговори на работното место – тие се само трошење енергија и драгоцено време кое може да го искористите попродуктивно.
6. Никогаш не престанувајте да учите и да се доусовршувате, ама буквално никогаш. Учете од колегите, родителите, пријателите, шефот. Кога ќе ја добиете посакуваната позиција на работа, немојте да паѓате во зимски сон и да си мислите дека се што сте научиле до тогаш е доволно за да се одржите на тоа професионално ниво.
