Во Приштина се одржа 15. министерски состанок на државите потписнички на Енергетската повелба каде што се постави визијата за политиката за клима и енергија за периодот по 2020 година, на кој учествуваше и министерот за животна средина и просторно планирање, Садула Дураки.
Ова е прво учество на министри за животна средина на министерски состанок во рамките на Енергетската заедница, пракса која ќе продолжи и понатаму.
Со препораката за интегрирани национални енергетски и климатски планови ќе се даде придонес кон обезбедувањето рамка за воедначување на известувањето за обновливите извори на енергија, енергетската ефикасност и стакленичките гасови.
На маргините на настанот министерот Дураки оствари и билатерална средба со министерката за животна средина на Косово, Албена Рефки Решитај, на која се дискутираа можностите за унапредување на соработката во областа животна средина.