Европската унија внимателно ќе ги следи последиците од даночните реформи во САД кои се усвоени со цел да ги процени нивните ефекти по дефицитот на САД и глобалните даночни прописи.
Ова го изјави европскиот комесар за даночни прашања, Пјер Московиси.
„Мораме да ги разгледаме последиците по американскиот дефицит, како и тоа дали ќе постојат преливања на последиците на глобалните даночни прописи“, изјави Московиси, пренесува Ројтерс.
„Внимателно ќе ја следиме ситуацијата. Мораме да изработиме сеопфатна анализа“, изјави комесарот, додавајки дека за тоа прашање дополнително ќе се дискутира на состанокот на министрите за финансии на ЕУ.