Повеќе од 1,5 милијарди луѓе во светот биле погодени од природни непогоди изминатата деценија.
Повеќе од 65 милиони биле принудени да се раселуваат во или надвор од границите на својата земја во потрага по засолниште, соопштија Обединетите нации.
„Бројот на луѓе погодени од хуманитарни кризи е без преседан… За жал, кризи и понатаму ќе има, но постои надеж кога се во прашање волонтерите. Ширум светот тие им помагаат на луѓето и на заедниците да преживеат“, се вели во соопштението на ОН по повод утрешниот Светски ден на волонтерството.
