Времето денеска во Македонија ќе биде облачно и студено, а ќе дува и умерен до засилен северен ветер. На планините ќе има повремено зголемување на облачноста и услови за провејување на слаб снег.
Минималните температури се очекува да се спуштат до -3, додека максималните дневни да достигнат 13 степени.
Во Скопје слично време. Утринската температура ќе биде -1 степен, додека дневната се очекува да достигне осум степени.
Од утре утринските температури во поголемиот дел од земјата ќе бидат под нулата, а од среда во текот на денот се очекува да биде сончево и дневните температури да бележат благ пораст.
