Јапонската влада се придржува до својата умерена позитивна оценка за економијата во својот редовен месечен извештај, цитиран од „Ројтерс“. Властите во Токио веруваат дека економијата продолжува по патот на закрепнување, поддржан од потрошувачката и деловните инвестиции.
„Јапонската економија продолжува со трендот на умерено закрепнување“, се вели во извештајот на кабинетот. Така, властите практично ја оставаат својата оценка непроменета шестти последователен месец.
Ова е прв извештај откако владата објави претходно дека овој месец економијата расте седмиот последователен квартал во периодот јули-септември. Ова е најдолгото проширување за 16 години, иако приватната потрошувачка бележи невообичаен пад.
Меѓутоа, во вторникот властите велат дека потрошувачката се забрзува со умерено темпо. Покрај тоа, индексот на доверба на потрошувачите е околу четиригодишен максимум.
Владата на Токио, исто така, ја поддржува својата проценка дека капиталните трошоци се забрзуваат, поддржани порачките од машини и зголемените трошоци за изградба.
Забрзувањето се забележува и кај извозот и во индустриското производство, а овој тренд се очекува да продолжи и поради силната побарувачка од странство.
На 8-ми декември властите ќе го објават второто читање на податоците за БДП-то во периодот јули-септември. Прелиминарниот извештај посочи дека јапонската економија се зголемила за 1,4% на годишно ниво, што претставува забавување во споредба со 2,6% во вториот квартал.
