Рускиот извоз од јанури до крајот на септември 2017 година порасна за речиси една четвртина и достигна 255 милијарди долари, вели премиерот на Русија, Дмитриј Медведев.
„Раст на извозот е остварен кај многу видови на производи – во три квартали оваа година рускиот извоз изнесуваше 255 милијарди американски долари, според прелиминарните статистички податоци. Во споредба со истиот период минатата година, извозот е зголемен за речиси 52 милијарди долари или за една четвртина. Се на се, тоа е добра динамика“, изјави тој, пренесува агенцијата Тас.
Според зборовите на Медведев, растот на светските цени делумно е заслужен за порастот на вредноста на извозот.
„Меѓутоа, важен, а можеби и главен фактор кој придонесе за тој резултат е зголемувањето на физичкиот обем на испорака на нашите производи во странство“, изјави рускиот премиер.
Истовремено, напомена дека мерките кои државата ги презема за да го поттикне извозот и овозможиле таков став. Медведев наведе дека малите и средни претпријатија имаат значителен удел меѓу извозниците, додава Тас.