Уште само неколку часа до црниот петок во САД, а веќе има големи редици луѓе пред продавниците кои чекаат да купат за многу помала цена од вообичанео. Се очекува оваа година Американците да потрошат над еден трилион долари или 6 отсто повеќе од минатата година. Очекуваните намалувања се од 40 до 60 отсто, дури и за најскапи брендови.
„Дејли мејл“ проценува дека само во Англија корисниците ќе потрошат по продавниците и на интернет околу 8 милијарди фунти од денеска до крајот на неделата, што е зголемување во однос на минатата година.
Сепак, повеќе популарност има таканаречениот сајбер-понеделник. Ова е првиот ден од неделата по црниот петок, чија идеја е да се стимулира онлајн-трговијата.
Очекувањата се оваа година за сајбер-понеделникот Американците да трошат 6 милијарди и 600 милиони долари.
