Малите и средни претпријатија, со до 249 вработени, се сметаат за мотор на економијата на Европската унија (ЕУ), создавајќи работни места и поддржувајќи го економскиот раст. Според новите податоци на „Еуростат“, сепак тие значително придонесуваат и за трговијата во рамките на Унијата.
98% од компаниите кои се занимаваат со трговија на стоки во рамките на ЕУ, во 2015-та година биле малите и средните претпријатија (МСП), а околу 70% од нив се микро-претпријатија.
Нешто повеќе, малите и средни претпријатија носат половина од вредноста на внатрешната за ЕУ трговија на стоки. Тие формираат 51% од увозот внатре во ЕУ и 45% од извозот во 2015-та година.
Извоз
Во пет земји членки, МСП генерираат над две третини од вкупната вредност на извозот на стоки во рамките на ЕУ. На прво место е Кипар со 88%, следена од Латвија (81%), Белгија (70%), Естонија (68%) и Холандија (67%).
На другиот крај на листата земјите во кои МСП формираат под една третина од вредноста на внатрешниот извоз во ЕУ, се Франција (21%), Германија (26%), Словачка (30%) и Ирска (32%).
Од сите класни размери микро-претпријатијата одговараат најмногу за извоз во ЕУ во пет земји: Белгија (46% од вредноста на целиот извоз во рамките на Унијата), Малта (37% во 2013-та година), Унгарија (23%), Романија и Шведска (по 19%).
Во исто време во 10 земји вредноста на извозот им е под 10% од вкупниот, а меѓу нив се Франција, Германија и Финска со околу 4%.
Увоз
Во повеќето земји членки барем половина од вредноста на увозот на стоки во ЕУ доаѓа од мали и средни претпријатија.
Тие се одговорни за над три четвртини од вкупната вредност во Латвија (85%), Кипар (82%), Естонија (79%), Литванија (78%) и Малта (77% во 2013-та година). Само во Франција (31%), Германија (34%), Чешка (47%), Словачка (48%) и Полска (49%) вредноста што ја носат МСП, е под 50% од вкупниот увоз.
И тука микро-претпријатијата одговорни за најголем дел од увозот во рамките на Унијата во пет земји членки – Малта (45% од вредноста на 2013-та година), Белгија (38%), Шведска (25%), Унгарија (23%) и Обединетото Кралство (21%). За разлика од нив, петте земји каде што овие компании формираат под 10 отсто од вкупната вредност се Франција, Германија и Чешка (околу 7%), Италија (9%) и Полска (10%).
