Денес променливо облачно и дождливо, заладување од понеделник

Времето во Македонија ќе биде облачно со слаби локални врнежи од дожд, претежно во југоисточните делови.

Утринската температура ќе се движи од 2 до 11, а дневната од 7 до 13 Целзиусови степени.

Во Скопје слично време, облачно со слаби врнежи од дожд. Утринската температура ќе се спушти до седум, а дневната ќе се искачи до 11 степени.

В недела ќе преовладува променливо облачно време, кон крајот на денот во северозападниот дел од земјава ќе има врнежи од дожд кои на планините и на некои повисоки места ќе преминуваат во снег. Врнежите ќе продолжат и в понеделник претпладне кога ќе дува засилен северен ветер и ќе предизвика значителен пад на температурата.