Времето денеска ќе биде облачно со врнежи од дожд, на повеќе места пообилни, особена во јужните и западните делови. До крајот на денот врнежите ќе се преместуваат кон истокот. Ќе дува слаб до умерен југоисточен ветер, на северот ветерот ќе е североисточен.
Температурата ќе се движи од 8 до 13 степени.
Во Скопје облачно со повремени врнежи од дожд и со слаб североисточен ветер, а врнежите попладне ќе престануваат.
Температурата до 10 степени.
Под влијание на циклонска активност и денес ќе преовладува облачно време со врнежи од дожд кои на повеќе места ќе бидат пообилни, особено во јужните делови, каде локално се очекува да наврнат над 40 л/м2. Во текот на денот врнежите ќе се преместуваат кон исток. Утре врнежите ќе бидат поумерени и претежно во источните делови, а во недела слаби и локални. Од понеделник со засилен северен ветер ќе има позначително заладување со врнежи од дожд и снег кој освен на планините ќе се појави и на повисоките места особено на север и на запад.
