Бројот на вработени лица во Велика Британија го означува најголемиот пад во текот на две години во трите месеци до крајот на септември, покажаа официјалните податоци објавени денеска. Ова е уште еден знак на слабост на британската економија во пресрет на „Брегзит“, коментира „Ројтерс“.
Вработеноста во земјата опадна на 32 милиони, 14.000 помалку отколку во претходниот квартал.
Во исто време, стапката на неактивност – индикатор за луѓе кои не работат, но не бараат вработување – се зголеми со најбрзо темпо од речиси осум години, објави Националната служба за статистика.
Податоците покажуваат дека стапката на невработеност е на ниво од пред 40 години на ниво од 4,3%, а нивото на платите забави повеќе од инфлацијата.
Според статистичкиот завод, вкупниот платен список, вклучувајќи ги бонусите, се зголемил за 2,2% во трите месеци до крајот на септември, а забележал пад од 2,3% во трите месеци до крајот на август.
Ова е побавен пораст од најновите 3,0% инфлација на потрошувачките цени во Велика Британија.
Економистите во истражувањето на „Ројтерс“ очекуваа зголемување на платите од 2,1%. Без бонуси, платите се зголемија за 2,2% на годишна основа, што е во согласност со очекувањата.
