Стјуардесите од хрватската национaлна авиокомпанија „Croatia Airlines“ денес го прекинаа штрајкот, откако постигнаа договор со Управата.
Деталите од договорот на Синдикатот на кабинскиот персонал и Управата сеуште не се познати, но со ова е отворен патот за нормализирање на летовите, а воедно ќе прекине и акумулацијата на долгови на „Croatia Airlines“.
Од оваа авиокомпанија изјавија дека воздушниот сообраќај, благодарение на договорот, ќе биде нормализиран, иако распоредот за откажаните и пренасочени летови за денес веќе е направен, пренесуваат хрватските медиуми.
Штрајкот еден ден претходно го прекинаа и пилотите на „Croatia Airlines“, откако тие со Управата се договорија да потпишат колективен договор кој ќе биде од корист за двете страни.
Пилотите и стјуардесите пред осум дена го започнаа штрајкот, кој компанијата досега ја чинеше 860.000 евра.
