Швајцарскиот кантон Тичино, еден од најсиромашните во земјата, се подготвува да ја спроведе идејата за воведување минимална плата, пишува локалниoт весник „20 минути“.
Платата ќе биде диференцирана според различни гранки и ќе се движи помеѓу 3,300 франци и 3,400 франци (помеѓу 2,800 евра и 2,900 евра). Ова значи плаќање околу 20 франци на час.
Политичките сили во локалниот парламент – „зелените“ и „левицата“ – се против воведувањето на минималната плата. Нивните аргументи се дека обезбедените пари се премногу ниски.
Воведувањето на минимална плата во Тичино беше одобрено на референдумот одржан во 2015-та година. Кантонот потоа одлучи дека треба да има минимален праг на плата за случаи каде што не е предвидено колективно преговарање.
Швајцарското издание потсетува дека Кантонот Нејштел бил прв во Швајцарија кој воведе минимална плата. Тоа се случи на 26-ти октомври 2017-та година. Неговата големина и сите услови околу воведувањето на минималната плата дојдоа по дискусијата помеѓу социјалните партнери. Таму платата е од 19,78 франци на час.
Швајцарија нема фиксна минимална плата на федерално ниво. Земјата во исто време паѓа во голем број на графикони за најскапото место за живеење.
Во 2014-та година имаше идеи за поставување минимална плата од 22 франци на час и 4.000 франци месечно на федерално ниво. Но, предлогот беше одбиен на референдум откако гласачите ги прифатија аргументите на владата дека тоа ќе ја ослабне економијата.
